ACEH UTARA,Jejakkasusnews.web.id – Peringatan 800 tahun Samudera Pasai menjadi momentum penting untuk mengenang perjalanan sejarah sekaligus memperkuat komitmen menjaga adat, budaya dan nilai-nilai yang diwariskan para indatu kepada generasi penerus.
Hal tersebut disampaikan Bupati Aceh Utara H. Ismail A. Jalil, S.E., M.M. atau yang akrab disapa Ayahwa dalam pembukaan peringatan 800 tahun Samudera Pasai.
Pesan tersebut disampaikan Ayahwa dalam bahasa Aceh dengan menggambarkan warisan leluhur sebagai mata rantai yang harus terus dijaga dan diteruskan kepada generasi berikutnya.
Berikut ini adalah isi pidato lengkap bupati AyahWa pada upacara milad ke 800 samudra pase Aceh Utara :
GEUREUHEM MEU DUA GOE.
HUDEP GEUTANYOE NA LAGEE SIKREK TALOE
YANG MEUSAMBONG-SAMBONG, PUE YANG TA
TEURIMONG NIBAK ENDATU TA PEUTROH KEU
ANEUK-CUCOE, MASENG-MASENG GEUTANYOE HANA
UBAH LAGEE SI URAT BEUNEUNG YANG PEUGOET
IJA, LAGEE SABOH GLEUENG YANG PEUGOT
RANTE,”
BISMILLAHIRRAHMANIRRAHIM
YANG TERHORMAT,
NYANG LOEN PEU MULIA PEUTUHA DAN
ANGGOTA MAJEULIH MAHKAMAH RAKYAT
BUMOE SAMUDERA PASAI ACEH UTARA.
RAKAN-RAKAN BALE RHONGSARI DAN BALE
GADENG
PARA ALIM ULAMA, GURE-GURUE GEUTANYO,
TEUNGKU-TEUNGKU DEUNGON ABU-ABU PARA
PIMPINAN DAYAH
ULE KEURANI, PARA ASISTEN KEURANI, PARA
ULE MAJEULIH DAERAH LAM PEMERENTAH
BUMOE SAMUDRA PASE
PANGLIMA WILAYAH SAMUDRA PASE
PANGLIMA MUDA DAERAH I,II,III,IV WILAYAH
SAMUDRA PASE
PARA ULE BALANG LAM 27 WILAYAH BUMOE
SAMUDRA PASE
PARA GEUCHIK, MUKIM, TUHA PEUT PARA TOKOH ADAT / TOKOH MASYARAKAT /
ORGANISASI KEAGAMAAN / ORGANISASI SOSIAL
/ORGANISASI KEUMASYARAKATAN /
ORGANISASI
PEUMIMPEN BUMN, BUMD, INSTANSI VERTIKAL
SEU-KABUPATEN ACEH UTARA
PROFESI DAN INSAN PERS BEUSEUREUTA
HADIRIN UNDANGAN, YANG MEUBAHGIA.
SEUGALA JEUNEH PUJOE, TANYOE PUWOE KEU
POE TEUH ALLAH SWT. YANG KA NEUBRI RAHMAD
KEU GEUTANYOE BAN-MANDUM, SEHAT WAL-AFIAT
SEUREUTA NIKMAT IMAN DAN ISLAM YANG
GEUTANYOE RASA SAATNYOE.
UKEU NIBAK NYAN, SEULAWEUT SEURETA SALEUM
KEU PANG ULE ALAM NABI MUHAMMAD SAW. YANG
OLEH DRONEUH NYAN, KA GEU-PEUTRANG HUDEP
GEUTANYOE DARI JAMEUN JAHILIYAH KEU JAMEUN
YANG PUNOH ILME DAN MULIA RAYA NYOE.
KRUE SEUMANGAT !!
KRUE SEUMANGAT !!
SYEDARA, YANG LONG MULIAKAN.
LAPAN REUTOH THON YANG KA LEUPAH, THON
YANG HANA PAT TA HITONG NGON JAROE NYOE.
THON YANG KA MEUTULEH MEUBAGOE MACAM
KISAH. DALAM PERJALANAN NYAN, NAKEUH KEUJAYAAN, NA KEUSOSAHAN. NA PRANG, NA
DAME. NA HUDEP, NA MATE. NA GENERASI YANG
TROEH, NA GENERASI YANG KA LEUPAH GEU
TINGGAI SEUJARAH.
DAN UROE NYOE, QANUN KABUPATEN ACEH
UTARA LUMBOI 10 THON 2017 KAGEUPEUTEUNTE
YANG BAHWA UROE LAHEI KABUPATEN ACEH UTARA
RHOT TIEP TANGGAI TUJOH NIBAK BULEUN
SIKUREUNG 2026.
QANUN NYOE NA KEUH IDENTITAS BUMOE
SAMUDERA PASAI. NYOE UNTUK MEU PEU INGAT
GEUTANYOE, BAHWA NANGGROE NYOE HANJEUT
GADOH LAM SEUJARAH.
TANYOE NAKEUH BAGIAN SEUJARAH NYAN
KEUDROE. TANYOE KOEN CUMA TA MEUNGIENG-
KALON SEUJARAH. TANYOE TEUNGOEH TA TUENG
AMANAH DARI SEUJARAH NYAN. ACEH UTARA KOEN
CUMA NAN SABOH DAERAH.
TANOH NYOE NA TOEM JEUT KEU TEUMPAT
MEUKUMPOI MEUBAGOE MACAM BANGSA, MANUSIA
DARI MACAM BAGOE NANGGROE. TEUMPAT NIAGA
RAYEUK MEUKEUMAANG, ILME TEUBEUDOH NGON
MEUTANOM, DAN ISLAM YANG JEUT KEU BAGIAN
PEUNTENG DARI HUDEP MASYARAKAT.
DI SINOE KEUH, SAMUDERA PASE TOEM
TEUDONG DEUNGON GAGAH LAGOINA,
MEULEUMPAH LUAH RAYA. DAN DI SINOE KEUH,
SEUJARAH DIJOK PEUSAN KEU GENERASI NYOE:
SABOH NANGGROE HANA AKAN RAYEUK
SEUBAB UMU YANG KA TREP. TAPIH SABOH
NANGGROE AKAN RAYEUK SEUBAB MANUSIA YANG
TINGGAI LAM NANGGROE NYAN, JEUT GEU BACA
JAMEUN DEUNGON JROEH.
SYEDARA YANG LONG PUWOE HORMAT,
800 THON NAKEUH KEUBANGGAAN. TAPIH
KEUBANGGAAN NYOE HANSEP MEUNYOE HANA TA
KEURIJA DEUNGON GET. SEUJARAH YANG RAYEUK
HANA SEP CUMA TA CEURITA. SEUJARAH WAJEB
JEUT KEU TANGGONG JAWEUB GEUTANYOE.
MEUNYOE GENERASI YANG DILEE KA
GEUTINGGAI KEU GEU TANYOE SABOH PERADABAN,
MAKA TANYOE HARUS TA TANYONG BAK DROE
KEUDROE TEUH: PUE YANG AKAN TANYOE TINGGAI
KEU ANEUK-CUCOE GEUTANYOE?
PUE TANYOE CUMA AKAN TA TINGGAI
CEURITA? BAHWA SAMUDERA PASE PERNAH RAYA
NGON MEUKUASA?
ATAWA TANYOE AKAN JEUT TAPEUGOET ANEUK-
CUCOE BAH IKHEUN MEUNOE:
“GENERASI YANG KA LHEUH NYAN, KOEN CUMA
BANGGA NGON SEUJARAH. UREUNG NYAN KAGEUPEUGOT MASA UKEU NYANG CUKOP JROEH KEU
GEUTANYOE.”
TANYOE PERLE ANEUK MUDA ACEH UTARA BEK
CUMA JEUT KEU PENONTON WATE DONYA MEU
UBAH. TAPIH AWAK NYAN HARUS JEUT KEU BAGIAN
DARI UREUNG YANG PEU-UBAH DONYA NYAN
KEUDROE.
SYEDARA BAN-MANDUM,
800 THON KA LEUPAH, BEU TA INGAT LEE
GEUTANYOE BAHWA HANA KEUJAYAAN YANG ABADI.
KEKUASAAN AKAN MEUGANTOE. PEMIMPIN AKAN
MEUGANTOE. GENERASI AKAN MEUGANTOE. TAPIH
TANOH NYOE, AKAN TEUTAP NA.
NYAN KEUH YANG HARUS TANYOE PUWOE DARI
PEU INGAT UROE 800 THON NYOE. KAREUNA AKHE
JIH, TANYOE BAN-MANDUM CUMA SIAT SAGAI.
SYEDARA YANG LONG CINTAI,
800 THON KA LEUPAH. TAPIH JALAN TANYOE
NYOE GOHLOM SEULEUSO. MUNGKEN, HALAMAN
YANG PALENG PEUNTENG TEUNGOH TANYOE TULEH
BAK MASA NYOE. TANJOE HANA TA TEUPUE, PEU
KEUH RUPA ACEH UTARA 100 THON YANG AKAN
TROEH.
TAPIH TANYOE TA TEUPUE, PUE YANG TANYOE
PEUGOET BAK UROE NYOE, AKAN JEUT KEU SABOH
BAGIAN DARI MASA UKEU NYAN.
MAKA, BEUTANYOE PEUGOET ACEH UTARA.
KOEN CUMA NGON BEUTON DAN ASPAL, TAPIH
NGON MANUSIA. KOEN CUMA NGON ANGGARAN,
TAPIH NGON GAGASAN. KOEN CUMA NGON
PROGRAM, TAPIH NGON HASE. DAN KOEN CUMA
NGON KEUBANGGAAN KAREUNA MASA DILEE, TAPI
NGON BEUHOE TA PEULAHE MASA UKEU.
LONG YAKIN, SEULAMA ANEUK MUDA ACEH
UTARA MANTONG BEUHOE MEULUMPOE, SEULAMA
ULAMA MANTONG GEU JAGA ARAH GEUTANYOE,
SEULAMA MASYARAKAT MANTONG GEUTEM KEURIJA,
DAN SEULAMA PEMERINTAH MANTONG GEUTEM
DEUNGOE SU RAKYAT, ACEH UTARA HAN AKAN
PERNAH GADOH MASA UKEU. 800 THON KA LEUPAH,
KA LEWAT SAKSI MASA KEU MASA. NYOE UROE
NYOE, TANYOE KEUH YANG JEUT KEU SAKSI
SEUJARAH NYAN KEUDROE.
DAN MULAI UROE NYOE, SEUJARAH TEUNGOH
DIPREH JENAWEUB GEUTANYOE: PEUE YANG AKAN
TANYOE TULEH? MAKA, BEUTANYOE TULEH SABAN-
SARE. DEUNGON ILME. DEUNGON KEURIJA.
DEUNGON BEUHOE.DAN DEUNGON HATE YANG
TEUTAP TA DONG KEU RAKYAT.
LONG PEU-INGAT SIGOE TEUK: “BUMOE
SAMUDERA PASE NYOE TANOH GEUTANYOE
BANDUM, YANG TEURIMONG DARAH GEUTANYOE
NYANG RHOE, YANG KEUBAH MANYET ENDATU, MA
DEUNGON KU, YANG BRI KEU GEUTANYOE IE
DEUNGON BU, TEUMPAT GEUTANYOE HUDEP
DEUNGON MULIA DAN, TEUMPAT GEUTANYOE MATE
DEUNGON MULIA, YANG TA TEURIMONG NIBAK
ENDATU, DAN YANG WAJEB TA PULANG KEU ANEUK-
CUCOE, MEUNYOE HAN EK LEUBEH JROH, HAN JEUT
KUREUENG NIBAK YANG KA NA.”
SEULAMAT UROE LAHE BUMOE SAMUDRA PASAI
ACEH UTARA KEU-800 THON.
BILLAHI TAUFIQ WAL HIDAYAH
WASSALAMU’ALAIKUM WR. WB.
BUPATI ACEH UTARA .[ZR]
